Sipas tij, Kosovës i nevojitet një marrëveshje e cila sipas Konventës së Vjenës dhe ligjit të traktateve është ligjërisht e obligueshme, raporton teve1.info
“Është e vërtetë që ne duam marrëveshje finale, marrëveshje finale ndërkombëtarisht dhe ligjërisht të obligueshme me njohjen e ndërsjelltë në qendër dhe po them ligjërisht dhe ndërkombëtarisht të obligueshme sepse na nevojitet një marrëveshje e cila sipas Konventës së Vjenës ligjit të traktetave është ligjërisht e obligueshme”, deklaroi Kurti.
Tutje Kurti pohoi se dikur e kanë kundërshtuar dialogun Kosovë – Serbi, sepse sipas tij ai dialog ka qenë jo parimor dhe asimetrik, teksa shtoi se Kosova më shumë ka qenë temë sesa palë.
“Është e vërtetë që ne kemi kundërshtuar dialogun dikur por kemi kundërshtuar për çfarë ka qenë ai dialog, ka qenë dialog jo parimor, asimetrik me Kosovën më shumë temë sesa palë, nëse kemi ndryshuar qëndrim si LVV kryetar i së cilës jam, atëherë kjo përfundimisht ka ndodhur më datën 10 shtator 2014 në marrëveshjen e VLAN-it”, tha Kurti.
“Në marrëveshjen e VLAN-it ne themi se jemi për dialog parimor për herë të parë si LVV dhe në atë pikë thuhet se VV-ja do ta udhëheqë dialogun”, shtoi ai./teve1.info
