Kryeministri i Kosovës, Albin Kurti, ka pritur sot në takim, për të dytën herë brenda këtij viti, presidentin e Akademisë Papnore për Jetë, imzot Vincenzo Paglia.
Sipas njoftimit, në takim u diskutua për rëndësinë e lirive fetare, tolerancën dhe harmoninë ndërfetare në shtetin e Kosovës.
“Imzot Paglia e falënderoi kryeministrin për këtë pritje miqësore dhe e përgëzoi për punën e tij veçanërisht në mbrojtjen e lirive dhe harmonisë fetare”, thuhet në njoftim.
Kurse në takim të pranishëm ishin ministri i Kulturës, Rinisë dhe Sportit, Hajrulla Çeku edhe ambasadori i Norvegjisë në Kosovë, Jens Erik Grøndahl./teve1.info./
