Sipas Kurtit, ky proces ka sjellë benefite të shumta si për shtetin ashtu edhe për shoqërinë në përgjithësi.
Teksa tha se se kjo është njëra ndër prioritetet e qeverisjes së tij.
“Transformimi digjital ka sjellë benefite për shtetin ashtu edhe për shoqërinë, e dixhitalizimi i administratës publike në veçanti mundëson rritjen e transaprencës dhe llogaridhënies në qeverisje si dhe përmirësimin e cilësisë së shërbimeve për qytetarët dhe bizneset tona, andaj është edhe në fokus të qeverisjes sonë”, ka thënë ai.
Tutje kryeministri tha se me dixhitalizim të gjithmbarshëm pret rritje të kursimeve të produktivitetit dhe konkurueshmërisë në ekonomi.
Teksa foli edhe për sfidat dhe rreziqet e dixhitalizimit.
“Për transformimin dixhital ka edhe sfida e rreziqe përderisa qeverisja dhe ekonomia e dixhitalizuar bëhen gjithnjë e më shumë të varura nga mirëfunksionimi i rrjeteve dhe sistemeve të informacionit, siguria e hapësirës kibernetike bëhet me rëndësi qenjësore për funksionimin e shtetit “, tha ai.
Kurti ne fjalën e tij theksoi se Qeveria e Kosovës është duke i adresuar rreziqet e sigurisë kibernetike përmes angazhimit shumëdimensional.
“Qeveria jonë është duke i adresuar rreziqet e sigurisë kibernetike përmes një angazhimi shumësimensional, kësisoj në tetor të vitit të kaluar ne kemi miratuar në Qeveri Ligjin për Sigurime Kibernetike dhe Ligji tashmë është aprovuar në lexim të parë në Kuvendin e Kosovës. Ky ligj përcakton përgjegjësite e autoriteteve në fushën e sigurisë kibernetike, detyrat e subjekteve të sigurisë kibernetike, bashkëpunimin ndërinstitucional dhe masat për parandalimin e sulmeve kibernetike ne vendin tonë”, shtoi ai./teve1.info./
