Zëvendëskryeministrja dhe Ministrja e Drejtësisë, Donika Gërvalla, ka njoftuar lidhur me pjesëmarrjen e saj në Forumin Ministror BE–Ballkani Perëndimor për Drejtësi dhe Punë të Brendshme, në panelin kushtuar luftës kundër korrupsionit.
Ajo thekson se përballja me këtë dukuri kërkon vullnet të palëkundur institucional, një sistem drejtësie të pavarur e profesional, zbatim të pakompromis të ligjit dhe bashkëpunim të qëndrueshëm ndërkombëtar.
“Lufta kundër korrupsionit kërkon që pasuria e pajustifikueshme të verifikohet, përfitimet e paligjshme të konfiskohen, zyrtarët publikë të mbajnë përgjegjësi për veprimet e tyre dhe rrjetet kriminale të mos gjejnë strehë në kufijtë e shteteve. Asnjë pozitë publike, asnjë pasuri dhe asnjë lidhje politike nuk duhet të jetë mburojë përballë ligjit”, shtoi ajo në postimin e saj në Facebook.
Tutje Gërvalla potencon se Kosova mbetet e vendosur të thellojë reformat në drejtësi dhe në forcimin e mekanizmave për parandalim dhe ndëshkim të korrupsionit./TEVE1.INFO/
