Kryeministri i Kosovës, Albin Kurti dhe ministri për Komunitete dhe Kthim, Nenad Rashiq kanë vizituar dy familje serbe në dy fshatra të Istogut.
Siç ka njoftuar kryeministria të dyja familjet merren me bujqësi dhe njëra prej tyre është edhe përfituese e subvencioneve.
“Miqësisht e në ambientet e shtëpive të tyre, kryeministri Kurti dhe anëtarët e familjes Miletiq dhe asaj Komatoviq biseduan për përditshmërinë, angazhimet, bashkëjetesën me shqiptarët dhe nevojat e fshatit”, bëhet e ditur në njoftim.
Tutje kryeministri thuhet se i ka njoftuar këto familje “për politikat sociale që po zbaton Qeveria dhe për planet e lansimit të masës tjetër të punësimit që mbështet bizneset që angazhojnë punëtorë nga komuniteti jo shumicë”.
