Kryeministri i Kosovës, Albin Kurti dhe ai i Greqisë Kyriakos Mitsotakis, kanë diskutuar për forcimin e lidhjeve diplomatike dhe ekonomike.
Për takimin ka njoftuar Kurti i cili ka thënë se raportet ndërmjet dy vendeve kanë shënuar rritje në tri vitet e fundit.
“Takimi i mirë me kryeministrin grek@kmitsotakis sot. Diskutuam mënyrat për forcimin e lidhjeve diplomatike dhe ekonomike, të cilat kanë shënuar një rritje pozitive dhe të ndjeshme në tre vitet e gjysmë të fundit, veçanërisht duke u intensifikuar pas liberalizimit të vizave për qytetarët e Kosovës në janar të këtij viti. Gjithashtu folëm për zhvillimet në rajonin tonë dhe domosdoshmërinë dhe perspektivën e tij për integrime evropiane dhe euroatlantike”, ka shkruar Kurti në X.
Kurti po qëndron në New York në pjesëmarrjen e parë në Javën e Nivelit të Lartë të Asamblesë së Përgjithshme të Kombeve të Bashkuara.
Good meeting with Greek PM @kmitsotakis today. We discussed ways to strengthen diplomatic and economic ties, which have seen a positive and significant increase in the past three and a half years, especially intensifying following visa liberalization for Kosova citizens in… pic.twitter.com/FzdkmMjbsw
— Albin Kurti (@albinkurti) September 26, 2024
