Komandanti i misionit të NATO-s në Kosovë, KFOR, Ozkan Ulutash, ka pritur në takim gjeneralin grek, Alexandros Koufopoulos, me të cilin kanë diskutuar për situatën e sigurisë në rajon.
Sipas njoftimit të KFOR-it, gjeneralmajori Ulutash ka riafirmuar përkushtimin për të garantuar një ambient të sigurt dhe të qetë për të gjithë qytetarët në Kosovë, duke theksuar se misioni vepron në mënyrë të paanshme dhe transparente.
Po ashtu, ai ka shprehur mirënjohje për kontributin e vazhdueshëm të Greqisë ndër vite në kuadër të misionit të KFOR-it.
“Takimi u përqendrua në situatën e sigurisë në rajon, dhe gjeneralmajori Ulutash riafirmoi përkushtimin e KFOR-it për të ruajtur një mjedis të sigurt dhe të qetë për të gjithë njerëzit që jetojnë në Kosovë, në mënyrë të paanshme dhe transparente. Gjeneralmajori Ulutash shprehu mirënjohjen e tij të sinqertë ndaj gjeneralit Koufopoulos për kontributin e gjatë dhe të vlefshëm të Greqisë në misionin e KFOR-it”, thuhet në njoftim./teve1.info/
