Kryeministri i vendit, Albin Kurti, tha se kryetari i LDK-së Lumir Abdixhiku dhe deputeti i LDK-së Avdullah Hoti, nuk janë as sa gjysma e çerekut të zëvendësit të tij, Bisnik Bislimit dhe ministrit Hekuran Murati.
Kurti në një replikë kundrejt Abdixhikut pas propozimit të tij për kushtet e pranimit të Asociacionit, tha se duke qenë se ka punuar me ta më herët, i njeh shumë mirë, teksa vlerësoi se nuk kanë pasur ide aspak,
“Unë deputetin Lumir Abdixhiku e kam pasur ministër edhe deputetin Avdullah Hoti e kam pasur zëvendës, por veç me ju tregu diçka në këtë aspekt. Zëvendësi Bisnik Bislimi dhe ministri Hekuran Murati, cili do prej tyre, këta dy bashkë, Abixhiku e Hoti, nuk janë as sa çereku i njërit prej tyre. Unë i kam pasur edhe zëvendës edhe ministër, i njoh mirë, i njoh shumë mirë. E kam pasur edhe ministrin e brendshëm nga radhët e LDK-së, por nuk kanë pasur këso idesh”, potencoi Kurti para deputetëve në Kuvend.
Madje sipas Kurtit, ka deputetë e ish-ministra që mendimet e tyre dirigjohen nga karriket, e jo nga bindjet që i kanë, raporton teve1.info.
“Këtyre idetë ua dirigjon karrika. Pra bëhet fjalë për deputetë e ish-ministra që mendimet ua dirigjojnë karrika ku ulen, e jo bindjet që i kanë, apo më mirë të them, si kanë fare”, shtoi tutje Kurti./teve1.info/.
