Me duelin Sigal Prishtina – Bashkimi, do të përfundojë faza gjysmëfinale e Kupës së Kosovës në basketboll, me sistem të ndeshjeve vajtje – ardhje.
Prishtina e pret Bashkimin në ndeshjen e kthimit, pasi përballjen e parë të luajtur javën e shkuar në Prizren e humbi me shifrat 83:67.
Prishtinës i duhet ta mposht Bashkimin me mbi 16 pikë epërsi për të siguruar plasmanin, një mision tejet i vështirë për skuadrën nga kryeqyteti.
Kjo ndeshje luhet sot prej orës 20:00 në palestrën “1 Tetori” në Prishtinë, me vendasit që kërkojnë përmbysjen e rezultatit dhe mysafirët që kanë një epërsi komode prej duelit të parë.
Në këtë ndeshje edhe do të përcaktohet finalisti i dytë i finales së Kupës së Kosovës, përballje kjo që do të zhvillohet më datën 18 shkurt.
Ndërkohë, gjysmëfinalja tjetër është ajo ndërmjet Borës dhe Trepçës, e cila luhet po ashtu në palestrën “1 Tetori” por prej orës 17:00.
Trepça javën e shkuar e ka fituar ndeshjen e parë në Mitrovicë me shifrat 87:64 dhe pothuajse ka siguruar finalen.
