Eksperti i çështjeve të sigurisë, Ilir Kulla, në emisionin “Matrix” në Tëvë1, ka deklaruar se lufta e Izraelit i kushton rreth 1 miliard dollarë në ditë, duke theksuar se pa mbështetjen e Perëndimit, nuk do të mund ta përballonte financiarisht një konflikt të zgjatur.
“Ne duhet ta diskutojmë faktin se kjo luftë i kushton Izraelit rreth 1 miliardë dollarë në ditë. Ai nuk e përballon dot i vetëm nëse vazhdon kështu,” u shpreh Kulla.
Sipas tij, as Irani nuk është në gjendje të përballojë një luftë të gjatë, pasi edhe për këtë shtet kostoja ditore është e krahasueshme.
“Edhe Irani nuk e mban dot, sepse edhe atij i kushton njësoj. Këto janë dy vende që, nëse konflikti zgjerohet dhe zgjat, nuk mund ta mbajnë financiarisht. Vetëm një bombë që SHBA ka hedhur ndaj Iranit kushton 400 milionë dollarë,” tha Kulla.
