Përzgjedhësi i Kosovës në xhudo Driton Kuka, ka folur për pjesëmarrjen e xhudistëve kosovarë në Kampionatin Evropian të mbajtur në Zagreb.
Kosova u përfaqësua me pesë xhudistë, por medalje fitoi vetëm përmes Distria Krasniqit, e cila e fitoi të artën dhe u bë kampionë e Evropës për herë të dytë.
Toni Kuka ka qenë shumë i kënaqur me paraqitjen e Krasniqit, por jo edhe me xhudistët e tjerë, të cilët nuk mund të shkonin më shumë se rundi i dytë.
“Evropiani 2024 për ekipin tonë përfundoj me një medalje të artë! Përderisa Disi dominoj në çdo aspekt, garuesit tjerë s’ishin në nivel të duhur! Pse kështu, ka shumë arsye që do i diskutojmë e përmirësojmë. Laura e Nora s’morën pjesë, do jenë në vendin ku ne dojmë medalje në Lojëra Olimpike! Botërori në fund të majit është gara e radhë, do shohim kush do garoj. Por tashmë fokusi është 100 % në #Paris2024”, ka shkruar Kuka në Facebook.