Në emisionin ResPublika në Tëvë1, Kuçi thotë se para anëtarësimit në BE, Kosova duhet të synoj anëtarësimin në NATO, ku e ka SHBA-në si “engjëll mbrojtës”.
“Duhet të punojmë që ta kemi një engjëll mbrojtës, në Union Evropian duhet ta kemi një engjëll mbrojtës, shembull Kroacia e ka pasur Gjermaninë. Në Union Evropian kanë qenë 5 shtete që janë pyetur, më vonë dy shteteve ju ka rënë ndikimi, Spanjës dhe Italisë, Britania e Madhe ka dalë nga Unioni Evropian dhe tashmë ndikimi është rreth boshtit Francë – Gjermani. Ne duhet të kemi më shumë afërsi me ata ose ata me ne sepse në këtë rast partneriteti është i dyanshëm dhe nëse e kemi një engjëll të tillë mbrojtës unë jam i bindur se ata mund t’i lëvizin çështjet dhe duhet t’i shohim cilat janë kushtet tona, kushtet e tyre dhe partneriteti për të lëvizur me tutje”, tha Kuçi.
Ti tutje deklaroi se Kosova nuk duhet ta ketë ndryshe nga shtete tjera asnjë proces që ato e kanë pasur për integrim evropian dhe sipas tij, asnjë proces tjetër nuk duhet ta ketë as Ballkani në raport me shtete tjera që janë integruar në këtë union.
Po ashtu Kuçi thekson se Kosova krahas integrimit evropian duhet ta ketë interesin për anëtarësim në NATO ku thotë se SHBA-në e ka engjëll mbrojtës.
“Krahas integrimit Evropian, unë mendoj se duhet të jemi të interesuar për anëtarësim në NATO. Edhe pse ka disa shtete që nuk e kanë njohur Kosovën… anëtarësimi në NATO është më shumë politik dhe çështje sigurisë sesa legal dhe procedural… Roli i SHBA-ve në NATO është shumë ma i madh sesa që mund të jetë në Union Evropian apo edhe në Këshillin e Evropës. Aty ata mund të jenë ai engjëlli mbrojtës që mund të jetë në mekanizma ndërkombëtar që na mbron”, deklaroi tutje ish zëvendëskryeministër i Kosovës në Tëvë1.
