Përmes një postimi në Facebook, Kryeziu thotë se komunikim ka pasur dhe se pjesa më e madhe e kërkesave sindikale janë adresuar ose janë duke u adresuar.
“Deri tani, kryeministri Kurti, zëvendëskryeministri i parë dhe shefi i stafit të kryeministri janë takuar të paktën dhjetë herë me kryetarin e BSPK, z. Atdhe Hykolli. Ministri i Financave, Punës dhe Transfereve, Hekuran Murati ka mbajtur katër takime me përfaqësues të sindikatave, përfshirë BSPK. Ministri i Shëndetësi, Rifat Latifi të paktën katër takime me përfaqësues të degëve sindikale, përfshirë BSPK. Ministri i Punëve të Brendshme, Xhelal Sveçla, ka pasur gjashtë takime me sindikatat e Policisë, Zjarrfikësve, Infermierëve e Arsimit. Ministrja e Arsimit, Shkencës, Teknologjisë dhe Inovacionit, Arberi Nagavci tetë herë është takuar me përfaqësuesit e SBAShK-ut’, thuhet ndër tjerash në postim.
Por, sipas tij nga sindikatat mungon arsyeshmëria e kërkesës për 100 euro shtesë si dhe gatishmëria e tyre për të ecur përpara.
“Gjithsej janë zhvilluar mbi 30 takime ndërmjet Qeverisë dhe sindikatave. Pra komunikim ka pasur. Takime ka pasur. Pjesa më e madhe kërkesave sindikale janë adresuar ose janë duke u adresuar. Mungon arsyeshmëria e kërkesës për 100 euro shtesë dhe gatishmëria nga sindikatat për ecur përpara”, thuhet ndër tjerash në postim.
Ndryshe, ky reagim erdhi ndaj Sindikatës së Bashkuar të Arsimit e cila mbajti një mbledhje të dielën për të diskutuat rreth takimit të Hykollit me Kurtin.
SBASHK-u përmes njoftimit bëri të ditur se qëndrimi unanim i pjesëmarrrësve në takim ishte që greva të vazhdojë derisa Qeveria të ulet dhe të diskutojë me grevistët./teve1.info/
