Kryeministri i Republikës së Shqipërisë Edi Rama, i shoqëruar nga bashkëshortja Linda Rama si dhe delegacioni shqiptar kanë mbërritur në Ankara.
Kreu i qeverisë shqiptare do të marrë pjesë në Samitin e NATO-s, që zhvillohet në Turqi, me pjesëmarrjen e krerëve të shteteve dhe qeverive të vendeve aleate.
Gjatë zhvillimit të Samitit, Kryeministri Rama do të zhvillojë një takim me Sekretarin e Përgjithshëm të NATO-s, Mark Rutte, si dhe do të marrë pjesë në sesionin e punimeve me liderët shteteve aleate.
Të nesërmen në Ankara, Kryeministri Rama do të zhvillojë gjithashtu një takim dypalësh me Presidentin e Republikës së Turqisë, Recep Tayyip Erdoğan.
Pjesëmarrja e Kryeministrit Rama në këtë Samit rikonfirmon angazhimin e Shqipërisë si një aleate aktive dhe e besueshme në NATO, si edhe kontributin e saj në forcimin e sigurisë dhe stabilitetit euroatlantik./KLAN
