Prokuroria Themelore në Prishtinë ka njoftuar se ka ndaluar për 48 orë kryeinspektorin e Punës, Hekuran Nikçin, dhe U.D Menaxherin e Njësisë për Menaxhimin e Burimeve Njerëzore në Inspektoratin Qendror të Punës, Naim Shalaku.
Nikçi dyshohet se kryer veprat penale ‘keqpërdorimi i pozitës apo autoritetit zyrtar, cenimi i të drejtave nga marrëdhënia e punës dhe përdorimi i paautorizuar të pasurisë’.
Ndërsa i dyshuari Naim Shalaku, për shkak të dyshimit të bazuar se i ‘ka kryer veprat penale keqpërdorimi i pozitës apo autoritetit zyrtar dhe cenimi i të drejtave nga marrëdhënia e punës në vazhdimësi’.
“Ndaj tyre, bëhet e ditur se Prokurori i Shtetit, brenda afatit ligjor do të paraqesë masën për sigurimin e pranisë së të pandehurve në procedurë, tek Gjyqtari i Procedurës Paraprake të Gjykatës Themelore në Prishtinë, Departamenti për Krime të Rënda”, thuhet në komunikatë për media.
Ndryshe, Nikçi dhe Shalaku janë intervistuar të enjten nga hetuesit e krimeve ekonomike në Policinë e Kosovës./teve1.info
