Kryetari i Partisë Demokratike të Kosovës, Memli Krasniqi, ka reaguar pas dështimit të 53-të të seancës konstituive, ndaj zhvillimeve në Kuvend, duke e quajtur situatën aktuale si më absurde sesa çdo përvojë tjetër të tij si deputet.
Ai ka njoftuar se do ta mbajë fjalimin pas seancës së caktuar për orën 22:00, të shtunën.
“Kam pasur nderin jetësor të zgjidhem deputet i Kuvendit të Kosovës shtatë herë me radhë, por një situatë më absurde dhe më problematike se kjo nuk kam parë asnjëherë.
“Meqë vazhdimi i abuzimit u shfaq edhe sot në qasjen autoritare dhe imponuese nga ana e kryesuesit dhe na ftoi përsëri të jemi edhe njëherë në orën 22:00, siç po shihet për ta vazhduar talljen me qytetarët fjalimin tim do ta mbaj atëherë. Kam pasur nderin jetësor te zgjidhem deputet i Kuvendit të Kosovës 7 herë më radhë dhe situatë më absurde dhe problematike nuk ka pasur asnjëherë”, ka thënë Krasniqi./teve1.info/
