Kryetari i Partisë Demokratike të Kosovës, Memli Krasniqi ka reaguar pas rrëmbimit të tre pjesëtarëve të Policisë së Kosovës nga ata të Serbisë.
Krasniqi ka thënë se ky veprim nga Serbia është shkelje e sovranitetit dhe territorit të Kosovës.
Ai ka thënë se më këtë veprim Serbia ka treguar se ka qëllim shkaktimin e tensionove dhe kërcënimin e paqes dhe sigurisë në rajon.
“Partia Demokratike e Kosovës shpreh indinjatën e thellë dhe denoncon ashpër rrëmbimin e sotëm të tre policëve të Kosovës nga njësitë speciale të Policisë së Serbisë .Kjo është një shkelje flagrante e sovranitetit dhe integritetit territorial të Republikës së Kosovës! Aksioni i forcave serbe tregon qartë qëllimin e Serbisë për të shkaktuar tensione dhe për të kërcënuar paqen dhe sigurinë në rajon”, ka shkruar Krasniqi.
Ai ka thënë se si PDK kërkojnë nga Qeveria e Kosovës të ndërmarrë veprimet e nevojshme për lirimin e menjëhershëm të policëve.
“Partia Demokratike e Kosovës kërkon nga Qeveria e Kosovës që të ndërmarrë çdo veprim të nevojshëm për lirimin e menjëhershem të policëve të rrëmbyer dhe për të garantuar integritetin territorial të Kosovës dhe sigurinë e qytetarëve tanë. Po ashtu, Qeveria duhet që të angazhohet urgjentisht dhe me seriozitet për riparimin e raporteve me partnerët strategjikë ndërkombëtarë, duke kërkuar një zgjidhje të qëndrueshme që sjellë normalitet në pjesën veriore të Kosovës”, ka shkruar Krasniqi./teve1.info/
