Kryetari i Partisë Demokratike të Kosovës, Memli Krasniqi ka reaguar për ngjarjen e së shtunës në fshatin Jaballanicë të Gjakovës, ku humbën jetën tre fëmijë.
Krasniqi nëpërmjet një postimi në Facebook u ka shprehur ngushëllime familjarëve të tre viktimave.
“Dhembje e pafund për vdekjen tragjike të tre fëmijëve në Jabllanicë të Gjakovës. Në këto momente zie, jemi pranë familjeve të tyre me zemër e mendje, për të ndarë dhembjen e tyre të madhe. Ngushëllimet më të sinqerta për të gjithë. Zoti ju dhashtë forcë për ta përballuar këtë humbje të rëndë”, ka shkruar ai.
