Kryetari i Partisë Demokratike të Kosovës, Memli Krasniqi, ka përkujtuar 243 cilivilet, të cilët u vranë nga forcat serbe gjatë datës 25, 26 dhe 27 mars të vitit 1999, duke i quajtur ditët më të trishta për banorët e Krushës së Madhe.
Krasniqi, ka thënë se mungesa e vënies së drejtësisë për viktimat është plagë që dhemb, jo vetëm për familjarët, por për tërë Kosovën.
“Mungesa e vënies së drejtësisë për viktimat e kësaj masakre, është plaga që dhemb aq shumë, jo vetëm për familjarët e tyre, por për tërë Kosovën. Megjithatë, gratë e Krushës së Madhe, përkundër që humbën më të dashurit e tyre, gjetën forcën të ringrihen me punë e dashuri për vendin, duke u bërë shembull i mosdorëzimit. Lavdi për të rënët e Krushës së Madhe!”, ka shkruar i parti i PDK-së në Facebook. /teve1.info/
