Gjatë vizitës së tij në Viti, Krasniqi deklaroi se kjo marrëveshje është diskutuar që nga viti 2015, për të cilën thotë se Lëvizja Vetëvendosje e kundërshtonte sa ishte në opozitë.
Sipas tij, lajmi për këtë marrëveshje është lajm i mirë dhe i keq.
“E shoh edhe si lajm i mirë edhe si lajm i keq. Lajm i mirë është se përfundimisht kryeministri i Kosovës bashkë me këtë Qeveri po e kuptojnë që ata që e kemi bërë në të kaluarën, që është në dobi të qytetarëve të Kosovës dhe e shoh si lajm të keq se kundërshtimi i tyre dhe pasiguria e tyre politike e kanë zvarritur procesin 7 vjet. Kjo është marrëveshje që e kemi diskutuar prej vitit 2015 kur e kemi nënshkruar dhe kur është miratuar dhe konsideroj që zbatimi i saj do të mundësoj integrimin e plotë të sistemit energjetik duke përfshirë edhe faturimin e drejtë. Shpresoj që detajet t’i japë Qeveria dhe jo ne”, ka thënë Krasniqi.
