Ministri i Administrimit të Pushtetit Lokal, Elbert Krasniqi, ka reaguar pas arrestimit nga autoritetet serbe në vendkalimin kufitar në Jarinjë, të zëvendësdrejtorit të Policisë së Kosovës nga radhët e komunitetit serb, Dejan Jankoviç.
Krasniqi ka thënë se ndërkohë që Serbia rrejshëm ankohet për të drejta të serbëve në Kosovë, ajo pikërisht arreston, maltreton e kërcënon secilin serb që shfrytëzon të drejtat e tij të integrohet.
“Republika e Kosovës në kuadër të drejtave të avansuara për komunitete joshumicë e ka ndër të tjera të përcaktuar që zv.drejtorin e Policisë ta ketë nga radhët e komunitetit serb. Ndërkohë që Serbia rrejshëm ankohet për të drejta të serbëve në Kosovë, ajo pikërisht arreston, maltreton e kërcënon secilin serb që shfrytëzon të drejtat e tij në Kosovë e integrohet në vendin e tij. Rasti i sotëm i ndalimit nga Serbia të zv.drejtorit Jankoviq dhe disa zyrtarëve të tjerë të Policisë…”, ka shkruar ai në Facebook. /teve1.info/
