Sipas tij, dalja e serbëve nga institucionet do të përdoret si mjet presioni për të formuar Asociacionin.
“Nga mesazhet që dolën në fjalimet e liderëve lokalë të serbëve, më rezulton një përfundim: dalja e serbëve nga institucionet është e koordinuar jo vetëm me Serbinë, po edhe me BE-në. Kjo dalje nga institucionet do të përdoret si mjet presioni për të formuar Bashkësinë e Komunave Serbe. Serbët nuk shprehën sot ide të secesionit, po të asociacionit”, ka shkruar Krasniqi.
Krasniqi tutje theksoi se Qeveria e Kosovës tash e ka të vështirë të kthehet në pikën fillestare të targave, teksa shtoi se serbët tashmë e lidhin edhe me formimin e Asociacionit.
“Beteja politike do të jetë edhe më e rëndë. Përkrahja amerikane tash na duhet edhe më shumë se sa para krizës me targat”, shtoi ai.
Ndryshe, sot serbët kanë mbajtur protestë në veri të Mitrovicës në sheshin “Car Lazar” të thirrur nga Lista Serbe, një ditë pasi serbët e veriut kanë vendosur të largohen nga institucionet e Kosovës e që kryetari i Listës Serbe, Goran Rakiq ka bërë thirrje që të themelohet Asociacioni i komunave me shumicë serbe në Kosovë.
