Kryetari i Partisë Demokratike të Kosovës, Memli Krasniqi, ka thënë se kandidati i tyre, Petrit Hajdari do të jetë kryetari i ardhshëm i Drenasit.
Ai kështu është shprehur në një postim në Facebook, ku ka njoftuar se bashkë me Hajdarin kanë takuar Kryesinë dhe ekipin e fushatës.
“Bashkë me kryetarin e ardhshëm të Drenasit, Petrit Hajdarin, takuam Kryesinë dhe ekipin tonë të fushatës në Drenas – për t’i uruar për mobilizimin fantastik dhe tubimin madhështor të mbajtur ditë më parë, që i dha drejtim fitores sonë më 12 tetor”, ka shkruar Krasniqi.
