Më 5 mars 2014, Kosova zbriti për herë të parë në fushë në një ndeshje miqësore me lejen e FIFA.
Ishte një moment historik për futbollin kosovar, një hap i vogël në letër, por një hap gjigant për një popull që kishte pritur me dekada.
Pa simbole shtetërore, flamur e himn, me fusnotë, por me vizion që një ditë kjo do të ndryshojë. Më 5 mars 2014 në “Adem Jashari” të Mitrovicës, u luajt përballja Kosovë – Haiti, e cila ishte hapi i parë drejt ndërkombëtarizimit, që erdhi dy vjet më pas.
Ishte këmbëngulja e pashoq e presidentit legjendar të FFK-së, Fadil Vokrri, i cili e çau tunelin dhe e nxori Kosovën, në dritën e futbollit ndërkombëtar.
Nga ajo ditë historike në Mitrovicë, kanë kaluar 12 vjet.
Sot Kosova është pranë suksesit historik, në rrugë drejt Botërorit, me vetëm dy ndeshje larg kualifikimit historik, në dhjetëvjetorin e pranimit në UEFA dhe FIFA.
