Në Ditën Memoriale të të Mbijetuarve të Dhunës Seksuale gjatë luftës së fundit në Kosovë, prezentë ishte edhe e mbijetuara e dhunës seksuale, Vasfije Krasniqi-Goodman, e cila tha se sot është e fortë dhe krenare për Kosovën.
Në fjalimin e saj ajo u shpreh me bindje që sipas saj, policia dhe ushtria e Kosovës nuk do të lejojnë më të hyjnë forcat serbe në teritorin e Kosovës.
“Unë sot jam shumë e fortë, jam shumë krenare, për shtetin tonë, me plotë besimin që e di që policia dhe ushtria nuk do të lejojnë më forcën serbe në Kosovë”, tha Krasniqi-Goodman.
Ndërsa, edhe e mbijetuara tjetër Shyhrete Tahiri-Sylejmani, ka bërë thirrje që ky krim të mos harrohet.
“Ju kisha lut të mos harroni faleminderit”, tha Tahiri-Sylejmani.
Ndryshe, kryeministri i Kosovës, Albin Kurti së bashku me ministren e Jashtme, Donika Gërvalla dhe ministren e Drejtësisë, Albulena Haxhiu sot kanë bërë nderime te memoriali “Heroinat” në Prishtinë./teve1.info/
