Deputetja e Nismës Socialdemokrate, Arbreshë Krasniqi ka deklaruar se Lëvizja Vetëvendosje nuk mund të ketë mundësi bashkëpunimi me këtë subjekt nëse kryetari i Kuvendit të Kosovës, Dimal Basha, nuk dorëhiqet.
Në emisionin “Info Nata” në Tëvë1, Krasniqi ka theksuar se për Nismën Socialdemokrate, Basha nuk është i denjë për këtë pozitë.
“Kur them se duhet të ketë konstituim të Kuvendit, kam parasysh shumë situata, dhe ju të gjithë e dini qëndrimin tonë pas zgjedhjes së Dimal Bashës si kryeparlamentar. Pas gjithë atyre skandaleve që ai i ka shkaktuar dhe për të mos dëmtuar imazhin e Kosovës, ne kemi kërkuar që të paktën ai të kërkojë falje dhe të japë dorëheqje. Janë disa kërkesa tona që janë shumë në favor të stabilitetit, dhe unë konsideroj që Lëvizja Vetëvendosje duhet të reflektojë. Në rast se LVV dëshiron që Nisma Socialdemokrate të jetë pjesë e përbashkët për krijimin e institucioneve dhe të ketë mundësi bashkëpunimi, atëherë Basha duhet të japë dorëheqje. Ai nuk është i denjë të jetë kryetar i Kuvendit, dhe historia e tij e dëmton imazhin, të kaluarën dhe të tashmen e Kosovës”, ka thënë Krasniqi.
