Kryetari i Partisë Demokratike të Kosovës, Memli Krasniqi, ka mirëpritur përmbylljen e propozimeve legjislative për të reformuar sistemin zgjedhor në Kosovë.
Përmes një postimi në Facebook, Krasniqi ka shkruar se kjo reformë tashmë është në procedura parlamentare dhe së shpejti do të miratohet për t’i dhënë vulë, raporton teve1.info.
“Mirëpres përmbylljen me sukses të propozimeve legjislative për realizimin e kësaj reforme dhe përgëzoj anëtarët e Komisionit Ad Hoc të Kuvendit për Reformën Zgjedhore, të kryesuar nga Shefi i Grupit Parlamentar të PDK-së, Abelard Tahiri, për punën e madhe, kohezionin politik e përkushtimin përtej partiak për të avancuar këtë segment vital të demokracisë. Kjo reformë tashmë është në procedura parlamentare dhe së shpejti do të miratohet për ti dhënë vulë përfundimisht vullnetit politik koncensual që e kemi arritur”, thuhet në postimin e Krasniqit.
Njëherit, Krasniqi ka thënë se PDK ka qenë gjithmonë e hapur dhe e angazhuar për të reformuar sistemin zgjedhor në Kosovë, e kjo me qëllim të avancimit strukturor dhe përmbajtjesor të proceseve elektorale, si një parakusht për demokraci të qëndrueshme, pushtete të përgjegjshme e institucione të ligjshme./teve1.info/.
