Komisioni Qendror i Zgjedhjeve ka njoftuar se në Qendrën e Numërimit dhe Kualifikimit në Prishtinë pritet të përfundojë sot verifikimi i rezultateve të subjekteve politike nga formularët e plotësuar në vendvotime, si dhe numërimi i votave të kandidatëve për deputetë.
Sipas njoftimit, kjo qendër është e vetmja që ende nuk ka përmbyllur procesin e numërimit.
“Deri në orën 10:00 të ditës së sotme, në platformën për rezultate të KQZ-së janë procesuar 2,536 nga 2,557 vendvotime, apo 99.18% e vendvotimeve, në të cilat u zhvillua procesi i rregullt i votimit më 28 dhjetor
Në total, nga 29 dhjetor 2025 deri më 2 janar 2026, procesi në QNK është përmbyllur në 37 komuna: Mamushë, Shtërpcë, Junik, Hani i Elezit, Kllokot, Partesh, Mitrovicë e Veriut, Novobërdë, Zveçan, Viti, Zubin Potok, Ranillug, Dragash, Istog, Obiliq, Gllogoc, Deçan, Shtime, Klinë, Kamenicë, Fushë Kosovë, Leposaviq, Graçanicë, Vushtrri, Rahovec, Skënderaj, Kaçanik, Mitrovicë e Jugut, Gjakovë, Malishevë, Lipjan, Suharekë, Pejë, Prizren, Podujevë, Gjilan dhe Ferizaj”, thuhet në njoftimin e KQZ-së./teve1.info/
