Zëdhënësi i Komisionit Qendror të Zgjedhjeve (KQZ), Valmir Elezi, ka njoftuar se sot nga ora 14:00 do të zhvillohet një aktivitet informativ për planifikimin e aktiviteteve pas ditës së votimit për raundin e dytë të zgjedhjeve për Kryetarë të Komunave.
“Në Qendrën Komunale të Numërimit në Prishtinë, salla ‘1 Tetori’, do të prezantohen aktivitetet që planifikohen të zhvillohen pas ditës së votimit për raundin e dytë të zgjedhjeve për Kryetarë të Komunave,” ka thënë Elezi për televizionin Tëvë1.
Aktivitetet do të jenë të lidhura me procesin e numërimit të votave dhe mbikëqyrjen e integritetit të zgjedhjeve pas përfundimit të raundit të dytë.
