Komisioni Qendror i Zgjedhjeve ka mbajtur mbledhjen elektronike lidhur me raportin e listës preliminare të votuesve për zgjedhjet lokale për Kryetarë të Komunave dhe për Kuvende Komunale, të cilat do të mbahen më 12 tetor 2025.
KQZ ka njoftuar se lista preliminare e votuesve përmban 2,067,998 votues, pra 7,870 votues më pak në krahasim me zgjedhjet për Kuvendin e Kosovës, të mbajtura më 9 shkurt 2025.
Ndërkaq, numri i votuesve të rinj që do të votojnë për herë të parë në zgjedhjet lokale më 12 tetor 2025 është 33,540 votues.
Kurse, numri i votuesve që janë larguar nga lista është 41 mijë e 410.
Sipas KQZ-së në listë janë persona që kanë humbur jetën e persona që janë kategorizuar si të paverifikuar.
Madje nga kjo listë u larguan edhe 471 votues mbi 100 vjeç.
Ndryshe, numri i Qendrave të Votimit në 38 komuna është 945. Nga ky numër 907 do të jenë qendra për votim të rregullt e 38 për votim me kusht./teve1.info/
