KQZ-ja e ka miratuar dizajnin dhe përmbajtjen e fletëvotimit për zgjedhjet e 9 shkurtit.
Megjithatë, nuk ka kaluar rekomandimi për ndarjen e mjeteve për subjektet politike.
Gjithashtu, KQZ miratoi edhe broshurën me listën e emrave të të gjitha subjekteve politike dhe kandidatëve të certifikuar për pjesëmarrje në Zgjedhjet për Kuvendin e Republikës së Kosovës.
Numri i përgjithshëm i votuesve për zgjedhjet e 9 shkurtit në Kosovë, është mbi 2 milionë e 75 mijë.
Ndërkaq, numri i personave që janë regjistruar për votim jashtë Kosovës është rreth 105 mijë votues.
