Procesi i votimit në përfaqësitë diplomatike të Kosovës ka nisur këtë të shtunë për qytetarët e regjistruar jashtë vendit, në kuadër të zgjedhjeve që do të mbahen më 7 qershor.
Komisioni Qendror i Zgjedhjeve ka bërë të ditur se votimi po zhvillohet në ambasada dhe konsullata të ndryshme të Kosovës.
Sipas zëdhënësit të KQZ-së, Valmir Elezi, deri në orën 09:00, në 25 nga 30 përfaqësitë diplomatike ku kishte filluar votimi, janë paraqitur 11.245 qytetarë nga gjithsej 27.724 votues të regjistruar, ndërsa 3.117 prej tyre e kanë përfunduar procesin e votimit.
“Ju njoftoj se procesi i votimit, për orën 06 sipas kohës lokale në Kosovë, ka filluar në ambasadën dhe konsullatën e Republikës së Kosovës në Ankara dhe Stamboll. Ndërsa në orën 07 të mëngjesit, gjithashtu sipas kohës lokale në Kosovë, ka filluar edhe në 24 përfaqësi të tjera diplomatike që ndodhen në Evropë. Sipas të dhënave gjatë këtyre orëve të para të votimit, në 25 nga 30 përfaqësi diplomatike ku ka filluar dhe po zhvillohet votimi, deri në orën 09:00, nga 27.724 votues të regjistruar, kanë votuar 11.245 prej tyre, apo 3.117 votues”, tha Elezi gjatë një konference për media./teve1.info/
