Tre persona të mitur dyshohet se kanë kryer një vjedhje në një lokal në Prishtinë, duke marrë një shumë parash të gatshme.
Sipas raportit policor, ngjarja ka ndodhur të premten mbrëma në rrugën “Bill Klinton”, derisa punëtorja ishte duke kryer detyrat e saj në vendin e punës.
Gjatë përballjes me të dyshuarit, viktima ka pësuar lëndime në dorë dhe ka marrë trajtim mjekësor.
“Rr. Bill Klinton, Prishtinë 05.06.2026, 20:40. Është raportuar se deri sa ankuesja f/k ishte në vendin e saj të punës në një lokal kanë hyrë tre persona të dyshuar të mitur dhe nga aty kanë arrit të marrin para të gatshme. Viktima në ballafaqim me të dyshuarit ka lënduar dorën ku dhe ka pranuar tretman mjekësor. Rasti nën hetime nga njësitet kompetente policore”, thuhet në raport./teve1.info/
Policia ka bërë të ditur se rasti është duke u trajtuar nga njësitet përkatëse hetimore../teve1.info/
