I drejtojnë tri ushtri ballkanike.
E të mërkurën në Shkodër, u ulën në një tavolinë.
Nikoqir ishte shefi i Shtabit të Përgjithshëm të Shqipërisë, Arben Kingji.
E mysafirë komandanti i FSK-së, Bashkim Jashari e shefi i shtabit të Forcave të Armatosura të Kroacisë, Tihomir Kundid.
E gjitha kjo, në takimin trelateral mes tri Kosovës, Shqipërisë e Kroacisë.
Se çka u bisedua në këtë takim ushtarakesh, e bën të për Tëvë1 përmes një përgjigje me shkrim nga Ministria e Mbrojtjes.
“Takimi trilateral ndërmjet Gjeneral-Lejtënant Bashkim Jasharit, Komandant i Forcës së Sigurisë së Kosovës, Gjeneral-Lejtënant Arben Kingjit, Shef i Shtabit të Përgjithshëm të Forcave të Armatosura të Shqipërisë, dhe Gjeneral Tihomir Kundid, Shef i Shtabit të Forcave të Armatosura të Kroacisë, përfaqëson një hap të rëndësishëm në forcimin e bashkëpunimit rajonal në fushën e sigurisë dhe mbrojtjes. Deklarata e përbashkët e mbrojtjes e nënshkruar në nivel ministrash me 18 mars 2025 po përkthehet me angazhime konkrete si në aspektin e politikave të mbrojtjes ashtu edhe në bashkëpunimin ushtarak”
Njohësi i sigurisë, Burim Ramadani thotë për Tëvë1 se kjo iniciativë, duhet të intensifikohet në tri fusha.
“ Është lajm i mirë se kjo iniciativë po bashkon, apo po forcohet në nivelin profesional në nivelin ushtarak. Është e domosdoshme që qeveritë e të tri shteteve të hapin rrugën për më shumë bashkëpunim ushtarak, bashkëpunim profesional, që të tri shtetet të ndërtojnë një listë të përbashkët të trajnimeve, teknologjisë, punës , të ndërveprueshmërisë, dhe në njësi të përbashkëta të reagimit, që do t’i ndihmonin tri shteteve por edhe Ballkanit në ballafaqim me kërcënimet dhe sfidat e sigurisë” , thotë Ramadani.
Ndryshe, deklarata e përbashkët me tri shteteve u nënshkrua më 18 mars 2025 në Tiranë.
