Kosova ka shënuar një rënie në renditjen globale të paqes, duke zbritur për tri pozita në krahasim me një vit më parë. Në raportin më të fundit të publikuar nga Instituti për Ekonomi dhe Paqe (IEP), Kosova renditet e 63-ta ndër 163 vende, me një rezultat të përgjithshëm prej 1.908, duke e futur atë në kategorinë e vendeve me “nivel mesatar të paqes”.
Sipas raportit, përkeqësimi i pozicionit të Kosovës vjen si pasojë e rënies në disa indikatorë të sigurisë dhe stabilitetit, përfshirë perceptimin për kriminalitet, përfshirjen në konflikte të brendshme dhe nivelin e militarizimit.
Në rajon, Kosova vazhdon të mbetet më mirë e renditur se Serbia (e 64-ta), Bosnja e Hercegovina (e 59-ta), dhe Shqipëria (e 52-ta), por më dobët se Kroacia (e 19-ta) dhe Mali i Zi (i 34-ti).
IEP thekson se për të ndërtuar paqe të qëndrueshme, vendet duhet të investojnë në të ashtuquajturën “Paqe Pozitive” – që përfshin institucione funksionale, drejtësi, të drejta civile, dhe mirëqenie ekonomike.
