Futbollisti i Real Madrid, Jude Bellingham ka fituar trofeun “Kopa”, apo ndryshe si lojtari më i mirë i ri.
Kopa Trophy jepet për edicionin e pestë me radhë nga revista prestigjioze France Football. Mbappe, Pedri, De Ligt dhe së fundmi Gavi në vitin 2022 ishin fituesit paraprak të këtij çmimi që ka filluar të dhurohet që nga viti 2018.
Për të fituar këtë çmim ai mposhti konkurrencën e ashpër të gjermanit Jamal Musiala i cili po ashtu pati një sezon fantastik me Bayernin, bashkëlojtarin e tij Camavinga dhe atë te Barcelonës, Gavi.
Bellingham pati një sezon mjaft të mirë me Dortmundin duke kaluar pastaj tek Real Madridi aty ku deri më tash ka ‘shpërthyer’ me 13 gola në të gjitha garat.
Çmimi i radhës për anglezin pritet të jetë ai i Golden Boy, çmim që dhurohet prej 20 vitesh për lojtarin më të mirë nën 21 vjet. Bellingham pritet të kurorëzohet me këtë çmim më 4 dhjetor nga gazeta italiane Tutto Sport, si futbollisti i ri më i mirë në botë.
JUDE BELLINGHAM IS THE 2023 KOPA TROPHY! #TrophéeKopa #ballondor pic.twitter.com/JuEvgY1WAO
— Ballon d'Or (@ballondor) October 30, 2023
