Disa qytetarë janë mbledhur para shtëpisë së ish-kryetarit të Kuvendit të Kosovës dhe ish-udhëheqësit të UÇK-së, Jakup Krasniqi, në Prishtinë.
Në mesin e qytetarëve që kanë shkuar pranë shtëpisë së tij janë edhe veterani i Ushtrisë Çlirimtare të Kosovës, Bajram Gashi, si dhe qytetari Çlirim Haziri.
Ata kanë shprehur dëshirën për ta parë Krasniqin, i cili të mërkurën ka arritur në Kosovë nga Haga për një vizitë familjare, për shkak të gjendjes shëndetësore të bashkëshortes së tij.
Haziri ka deklaruar se qytetarët nuk kanë kërkuar takim me Krasniqin, por kanë qëndruar në distancë nga shtëpia vetëm me shpresën për ta parë atë.
Ndërkohë, Krasniqi është pritur me përqafime nga familjarët e tij pas mbërritjes në shtëpi.




