Kryetari i Kuvendit të Kosovës, Glauk Konjufca, u ka bërë thirrje qytetarëve të dalin të votojnë në komunat veriore të vendit.
Përmes një postimi në Facebook, Konjufca ka shkruar se të gjithë votuesit do të kenë ndikim të madh në vendimmarrje lokale, njofton teve1.info.
“Sot, në një atmosferë të qetë dhe demokratike po mbahen zgjedhjet lokale në katër komunat e Republikës së Kosovës, përkatësisht në komunën e Veriut të Mitrovicës, Leposaviq, Zveçan dhe Zubin Potok. Prandaj i ftoj qytetarët me të drejtë vote të këtyre komunave që të marrin pjesë sa më masivisht në zgjedhjet e sotme lokale. Mos e humbni rastin. Vota juaj do të ketë ndikim të madh në vendimmarrjen lokale, në ndryshimet e përgjithshme pozitive dhe në jetën e mirëqenien tuaj”, thuhet në postimin e Konjufcës.
Njëherit, Konjufca ka shkruar se zgjedhjet janë mjeti më demokratik dhe mundësia më e mirë për qytetarët që përmes votës së lirë të zgjedhin përfaqësuesit e tyre dhe të bëjnë ndryshimet e dëshiruara./teve1.info/.
