Konjufca tha se kërkon konsensus kombëtar që të mos bien pre e këtyre qëllimeve, sipas Konjufcës të këqija të Serbisë, të cilat tha se nuk i përjashton.
“Këto janë përpjekjet e Vuqiçit për me ia dhënë një drejtim tjetër dialogut përmes situatës së sigurisë. Ju siguroj se do të dështojnë. Për qytetarët e Kosovës nuk është kjo befasi, ndaj Republikës së Kosovës Serbia e ka vetëm një qëllim, ta krijoj një soj të saj brenda Republikës së Kosovës, brenda shtetit, për një formacion i cili ka kompetenca ekzekutive dhe është i shkëputur prej shtetit tonë, republikës. Ky ka qenë qëllimi prej qershorit të ’99 e këndej”, tha Konjufca.
Ai tha se këtë plan Serbia e ka filluar pasi ka dështuar që ta shtrij ndikimin e saj në Kosovë përmes dialogut.
“Tash kur e ka kuptuar që nuk mund ta realizoj me dialog e negociata në tavolinë të bisedimeve, përmes rrugëve ligjore, atëherë e ka filluar planin B. Plani A ka qenë me dialog, tash e ka fillu planin B. Do të dështoj edhe plani B i Serbisë për me kriju këtë republikë vetëm duhet të jemi vigjilent, të kujdesshëm në hapat që i marrim, veprimet që i marrim ama e ftoj spektrin politik që të jemi të bashkuar në qëllime”, tha Konjufca.
Megjithatë Konjufca i ka ftuar opozitën që të mos bien pre e Serbisë dhe të krijojnë situatë destabilizuese.
“Nuk kisha pas dëshirë me mendu që Akelsandër Vuqiçi mundet me çu në zgjedhje Republikën e Kosovës kur të dojë. Nëse ky ka qenë qëllimi i Serbisë dhe Vuqiçit që të shkaktoj në Kosovë destabilizim apo zgjedhje apo zgjedhe si rezultat i destabilizimit dhe sfidimit, atëherë mendoj që kjo jo vetëm që nuk është e mundshme por besoj që edhe i gjithë spektri politik është i bashkuar në Kosovë që kjo është e palejueshme dhe e patolerueshme”, tha Konjufca.
