I mandatuari për kryeministër nga radhët e Lëvizjes Vetëvendosje, Glauk Konjufca ka thënë se nuk do të kërkojë marrëveshje koalicioni me partitë opozitare.
Por, ai ka thënë se do të kërkojë bashkëpunim dhe votim të qeverisë që siç ka thënë ai për shmangie të zgjedhjeve të reja dhe që të votohet buxheti.
“Unë mendoj se ky nuk do të jetë një proces në të cilin ne do të kërkojmë ndonjë marrëveshje koalicioni. Ideja është të krijojmë një qeveri të re për të shmangur zgjedhjet e menjëhershme dhe që të provojmë të bashkëpunojmë me partitë parlamentare për të mundur që Kosova ta ketë buxhetin 2026. Nëse këto nuk bëhen, nuk do të ishte në të mirë të Kosovës dhe pikërisht për këtë LVV-ja më propozoi si mandatar sot. Do ta kërkoj bashkëpunimin, por jo për qeveri me koalicione, por t’i thirrin mendjes që këto gjëra të kalojnë e pastaj bëjmë bash çka të duam”.Unë e pranova dhe e tëra që na mbetet është të shohim veprimin e presidentes së Republikës”, ka thënë ai.
Sipas Konjufcës, po që se nuk merr mbështetje, atëherë Kosova mund t’i ketë pesë palë zgjedhje brenda një viti.
Ndërsa partitë opozitare kanë lënë të kuptohet se nuk do ta votojnë Konjufcën për kryeministër.
Opozita s’ka votë as për Konjufcën kryeministër, kërkon zgjedhje të reja
Sipas tyre, dalja nga kriza janë zgjedhjet e reja.
