Në seancën që po mbahet në Kuvend, kanë vazhduar replikat mes deputetes së AAK-së, Albena Reshitaj dhe kryetarit, Glauk Konjufca, pasi ky i fundit dje i rekomandoi administratës që Reshitajt të mos i takojë meditja.
Konjufca tha se u bën shumë rrallë qortime deputetëve për këtë gjë, por sipas tij, Reshitaj e ka tepruar dje, përcjell teve1.info
“Znj.Reshitaj ju më njihni mirë dhe e dini shumë mirë që unë shumë rrallë bëj qortime publike të deputetëve, por ato i bëj zakonisht vetëm kur ia teprojnë, siç bëtë ju dje”, deklaroi ai.
Në anë tjetër, Reshitaj tha se nuk është deputete e mëditjeve, teksa i kërkoi Konjufcës që të tërheq fjalët e thëna për të.
Në seancën e djeshme në Kuvend, Konjufca propozoi që Reshitajt t’i hiqet meditja, “sepse hyri në seancë, qëndroi vetëm 10 sekonda dhe doli dhe e vendosi nënshkrimin”. /Teve1.info/
