Zëvendëskryeministri i Parë dhe ministri në detyrë i Punëve të Jashtme dhe Diasporës, Glauk Konjufca, ka pritur sot në takim njoftues ambasadorin e ri të Bashkimit Evropian dhe Përfaqësuesin e Posaçëm të BE-së për Kosovën, Dirk Schübel.
Sipas njoftimit, gjatë takimit është diskutuar për agjendën evropiane të Kosovës, avancimin e procesit të integrimit në Bashkimin Evropian, si dhe vazhdimin e bashkëpunimit të ngushtë ndërmjet Kosovës dhe BE-së.
Konjufca ka theksuar rëndësinë e një angazhimi të drejtpërdrejtë dhe substancial ndërmjet Kosovës dhe Bashkimit Evropian.
Sipas tij, progresi i arritur nga Kosova duhet të reflektohet edhe në hapa konkretë në procesin e integrimit evropian./teve1.info/
