Kryetari i Kuvendit të Kosovës, Glauk Konjufca ka deklaruar se Pavarësia e Kosovës është arritur me shumë mund, përpjekje e sakrifica të popullit shqiptar.
Në urimin e tij me rastin e përvjetorit të 17-të të pavarësisë Konjufca ka shtuar se populli i Kosovës do të jetë përherë mirënjohës ndaj miqve dhe aleatëve që e përkrahën çlirimin dhe ndërtimin e shtetit të Kosovës.
“Pavarësia e Kosovës u arrit me shumë mund, përpjekje e sakrifica të popullit shqiptar. Lufta për çlirim, liri e pavarësi ka në themel gjakun e dëshmorëve të rënë ndër breza. Populli i Kosovës do të jetë përherë mirënjohës ndaj miqve dhe aleatëve në krye me Shtetet e Bashkuara të Amerikës dhe shtetet evropiane që përkrahën çlirimin e Kosovës dhe ndërtimin e shtetit tonë të pavarur dhe sovran. Pa ndihmën e tyre kjo rrugë do të ishte më e gjatë dhe më e vështirë. Prandaj sot në këtë ditë feste e gëzimi, reflektojmë mbi këtë histori lirie e dinjiteti, të përkushtuar në rrugën tonë për sovranitet, demokraci e integrim në botën euro-atlantike. Rroftë Republika e Kosovës. Gëzuar”, ka shktuar Konjufca në Facebook.
