Pas takimit me emisarin e BE-së për Ballkanin Perëndimor, kryetari i Kuvendit, Glauk Konjufca bëri të ditur se temë diskutimi ka qenë zhvillimet aktuale politike në vend, procesi i dialogut dhe hapat e mëtejmë lidhur me propozimin evropian.
Konjufca theksoi se Kosova është e përkushtuar për fqinjësi të mirë, paqe dhe stabilitet në rajon, përcjell teve1.info
Sipas tij, çdo marrëveshje që mund të arrihet me Serbinë duhet ta respektojë sovranitetin dhe integritetin territorial të Kosovës.
“Gjithashtu, për dallim nga Serbia si palë minuese, Republika e Kosovës ka luajtur rol konstruktiv përgjatë gjithë procesit të dialogut, përfshirë edhe takimin e 27 shkurtit në Bruksel. Ritheksova se asnjëherë nuk do ta humbim fokusin nga njohja e plotë, dhe se çfarëdo marrëveshje që mund të arrihet në procesin e dialogut me Serbinë duhet të respektojë në plotni sovranitetin, integritetin territorial dhe rendin kushtetues të Republikës së Kosovës”, ka shkruar ai në Facebook.
Kryekuvendari Konjufca po ashtu pontecoi se ka falëndruar emisarin Escboar “për angazhimin dhe rolin e pazëvendësueshëm të SHBA-së në procesin e dialogut”, teksa ka shprehur gatishmërinë për fuqizimin e mëtutjeshëm të partneritetit të ndërsjellë, si dhe avancimin e marrëdhënieve ndërmjet Kosovës dhe Shteteve të Bashkuara të Amerikës. /Teve1.info/
