Sipas tij, gjithë kjo është përpjekje e Serbisë për destabilzimin e vendit, mirëpo sipas Konjufcës një gjë e tillë nuk do ndodhë.
Konjufca këtë deklaratë e bëri pas ceremonisë së betimit të rekrutëve të rinj të FSK-së, duke shtuar se ushtria ka të drejtë të operojë në gjithë vendin.
Por, për operacione të veçanta tha se nuk bëjnë veprime pa u koordinuar me NATO-n dhe ShBA-në.
Tutje, ai tha se nuk beson që do të ketë eskalim të situatës dhe se institucionet e sigurisë janë në nivel të detyrës.
“Të gjitha këto janë përpjekje të Serbisë me rrit tensionin në Kosovë ashtu që të themi përballë kërkesave të tyre dhe të gjitha vijnë nga Beogradi dhe nga Vuçiq. Qeveria do të sillet në atë mënyrë që të mos pranojë kushtëzime përmes shantazheve e bllokadave dhe përdoronit të forcës nga ana e Serbisë. Nuk është vetëm çështje e targave, por kemi pasur grumbullim nga Serbia qysh nga viti i kaluar. E gjithë kjo është përpjekje e Serbisë ta destabilizojë Kosovën. Ne nuk e pranojmë këtë gjuhë. FSK është e Kosovës dhe ka të drejtë të funksionojë në gjithë territorin e Kosovës. Dhe mendoj se ka të drejtë të veprojë në territorin e Kosovës. Sa i përket operacioneve të veçanta nuk do të bëjmë veprim pa koordinim me NATO dhe ShBA”, tha Konjufca.
Ndërsa, sa i përket situatës në veri të Kosovës, kryeparalamentari tha se situata është nën kontroll dhe institucionet e sigurisë janë në nivelin më të lartë të përgjegjësisë.
“Ne kemi provokime nga Serbia por nuk biem në provokime. Sa i përket zhvillimeve nga Parisi do t’i keni më të qarta kur të kthehet presidentja dhe kryeministri”, tha Konjufca./EO/
