Lista Serbe ka bojkotuar pjesëmarrjen në votimin e 21 prillit për shkarkimin e kryetarëve veriorë.
Menjëherë filluan dorëheqjet e anëtarëve të komisioneve komunale zgjedhore në veri, nga radhët e Listës Serbe.
Mos pjesëmarrje në votimin e të dielës së tretë të prillit paralajmëron edhe një qytetar i komunitetit serb në Mitrovicë të Veriut.
“E kemi nënshkruar, nuk ka zgjedhje, nuk ka asgjë. Nuk do të del askush. Kurti e ka ndrequr që mos të kalojë kjo. S’ka gjë nga ajo. Serbët nuk do të dalin as në regjistrim, as në refererendum, bojkotojnë gjithçka. Gjithçka është e kurdisur, Kurti e ka rregulluar për qejfin e tij”, shprehet ai.
Por, ka nga ata që nuk kanë informacione në lidhje me zhvillimet e fundit në veri.
“Vërtet nuk e di si do të bëhet. Nuk di gjë, nuk di çfarë të them. Nuk di gjë, nuk jam i informuar, vetëm të jap ndonjë deklaratë të gabuar”, thotë një tjetër qytetar.
E Kryetari i Zubin Potokut, Izmir Zeqiri, thotë për Tëvë1 se Serbia është implikuar direkt përmes Listës Serbe dhe grupeve kriminale për ta sabotuar këtë proces.
“ Me gjithë mekanizmat, Serbia përmes Listës Srpska, dhe grupeve terroriste, kriminale, do të thotë janë përpjekur dhe akoma përpjekën për t’i bërë pengesa shtetësisë së Kosovës, të atakojnë ligjin, përmes qytetarëve eventualisht që mund t’i dëgjojnë thërrasin në bojkotime, thërrasin në sabotime, kjo shkon më shumë në dëmin e vet serbëve, që jetojnë nëpër këto zona”, thotw Zeqiri.
Në anën tjetër, kryesuesi i kuvendit komunal në Mitrovicë të veriut, Nexhat Ugljanin, pret nga faktori ndërkombëtar të rritë presioni për të kërkuar nga kryetarët, dorëheqjen.
“ Ne do të vazhdojmë punën tonë si kuvend, deri në fund të mandatit, sigurisht edhe kryetarët e komunave në katër komunat, sigurisht do të ketë mënyra të ndryshme nga ndërkombëtarët, presion për dorëheqje vullnetare, por a do të ndodhë? Sigurisht në këtë situatë jo”, shprehet ai.
E ky bojkot, sipas analistit serb, Branislav Krstiq, po vjen meqë Lista Serbe nuk e ka përkrahjen e qytetarëve për ta votuar.
“Në Mitrovicë dhe Zubin Potok, është pikëpyetje, hipotetike, ne i kemi afërsisht 6500 qytetarë me të drejtë vote në Zubin Potok, sot në terren nuk kemi më shumë se 3 mijë banor në Zubin Potok, të gjihtë me dalë nuk është numri i nevojshëm për shkarkimin e kryetarëve”, shprehet Krstiq.
Për deklaratat e partisë më të madhe të serbëve në vend ka reaguar edhe Bashkimi Evropian.
Zëdhënësja e Bllokut, Nabila Massrali, ka shprehur keqardhje për vendimin e Listës Serbe që të mos marrë pjesë në votimet e planifikuara për datën 21 Prill në katër komunat veriore.
Po ashtu BE i ka bërë thirrje Listës Serbe për rishqyrtim të vendimit.
