Mungesa e Florian Haxhës për ndeshjet e këtij muaji është konfirmuar të martën nga Federata e Futbollit të Kosovës.
FFK, ka bërë të ditur se Haxha nuk do të grumbullohet me “Dardanët”, ndonëse në konferencën e së hënës ishte paralajmëruar një gjë e tillë.
Mungesa e Haxhës është për arsye shëndetësore dhe selektori Franco Foda nuk do ta ketë në dispozicion për ndeshjet kualifikuese për Botërorin 2026.
“Mesfushori i djathtë i skuadrës polake, Motor Lublin, Florian Haxha nuk do të jetë pjesë e grumbullimit të Kombëtares së Kosovës për dy ndeshjet e këtij muaji kundër Sllovenisë dhe Suedisë për shkak të gjendjes shëndetësore”, ka shkruar FFK.
Haxha është vetëm njëri prej mungesave të shumta te Kosova për këtë muaj, pasi shkaku i lëndimeve mungojnë edhe kapiteni Amir Rrahmani, Florent Hadërgjonaj, Leart Paqarada, Vesel Demaku e Baton Zabërgja.
Kosova, të premten mbrëma përballet me Slloveninë në stadiumin “Fadil Vokrri”, ndërsa tri ditë më vonë luan në udhëtim kundër Sllovenisë, ndeshje këto që i takojnë Grupit B kualifikues.
