Komuna e Drenasit ka njoftuar se janë dhënë komentet mbi Strategjinë e Vlerësimit të Ndikimit në Mjedis, si një hap tjetër drejt plotësimit të dokumentacionit për finalizimin e Parkut të Biznesit Drenasi II.
Në këtë rast, drejtori i Drejtorisë për Planifikim Urban dhe Mbrojtje të Mjedisit, Petrit Gashi dhe përfaqësuesi nga MINT, Nol Buzhala, informuan të pranishmit për vazhdimin e procedurave dhe kohën e fillimit të punimeve në Parkun e Biznesit.
Vazhdimi tutje për jetësimin e këtij projekti u konsiderua me rëndësi për komunën e Drenasit dhe ekonominë e Kosovës.
“Dje, është mbajtur debati i radhës lidhur me procedurat drejtë jetësimit të Parkut të Biznesit II në Drenas, ku përfaqësuesit nga Ministria e Industrisë, Ndërmarrësisë dhe Tregtisë, me përfaqësues nga komuniteti i biznesit, qytetarë dhe akterë të jetës publike në Drenas, kanë dhënë komentet e tyre mbi Strategjinë Vlerësimit të Ndikimit në Mjedis, si një hap tjetër drejt plotësimit të dokumentacionit rreth finalizimit të Parkut të Biznesit Drenasi II”, thuhet në njoftim. /teve1.info/
