Janë rrugës për ta lëshuar territorin e Kosovës.
Janë këta mërgimtarët që të hënën morën rrugën drejt vendeve evropiane.
E dikush tjetër, përshëndetjet po i vazhdon ende përmes telefonit.
Të gjitha këto u panë të hënën në pikën kufitare të Merdarës.
Por, edhe këtë vit këtu, nuk po mungojnë kolonat e gjata.
“Valla që dy orë, fiks dy orë i kemi. Për që jam më fëmijë është më problem se po lodhen se të vegjël e nuk po munden me ia dal, se me qenë vet edhe me prit dy apo tre ore e përballojmë diqysh”, thotë Rafeht Krasniqi, mërgimtar që jeton në Itali.
E për një mërgimtar tjetër nga Gjermania, pritjet janë bërë të bezdisshme .
Kjo meqë pushimet në Kosovë po i përfundojnë cdo vit në këtë mënyrë.
“Vitin e kaluar ka pas më pak kolon, këtë vit jemi prej orës 07:00 të mëngjesit deri më tani. Tash dal e ngadalë u afruam edhe pak nuk na ka mbet shumë. Janë të bezdisshme pritjet, pastaj ka edhe konflikte futet dikush si pa radhë e bërtasin të tjerët, ne i tolerojmë por ka edhe të tjerë që nuk tolerohen”, shprehet mërgimtari, Avdi Duraku.
Pritja deri në 3 orë pë të dalë nga Kosova, për një mërgimtar tjetër është problemi i fundit gjatë pushimeve.
“Vit për vit njëjtë është. Vallahin, veç familja së përndryshe nuk ia vlen me ardh, shtrenjtësi e madhe pa rrymë”, thotë Hashim Osmani.
E dikush tjetër, kohën e pritjes vendosi ta kalojë në këtë mënyrë.
Ndërkaq, qendra Kombëtare për Menaxhim Kufitar ka përditësuar të dhënat e fundit, duke njoftuar se është rritur koha e pritjeve në disa pika kufitare për të dalë nga Kosova.
Përveç në Merdarë, kolona janë krijuar edhe në pikëkalimet kufitarë të tjera.
