Drejtori i ri i klubit të futbollit Vushtrria, Besnik Kollari, ka bashkuar forcat me shkollat e futbollit nga qyteti i Vushtrrisë.
Pas iniciativës së tij sot u konkretizua bashkëpunimi ndërmjet katër shkollave të futbollit të qytetit, FC Vushtrria, El Clasico, Forca dhe Viciana për të funksionuar në kuadër të klubit.
“Ky hap nuk do të ishte i mundur pa përkrahjen dhe gatishmërinë e drejtorëve Hajrush Dushi, Enis Tërnava dhe Agron Neziri, të cilëve u shpreh mirënjohje e veçantë.
Ky bashkëpunim hap rrugë për shkëmbim përvojash, organizim ndeshjesh miqësore dhe turnesh për grupmosha të ndryshme, duke krijuar kushte më të mira për zhvillimin sportiv dhe edukativ të fëmijëve dhe të rinjve tanë.
Po ndërtojmë themele të forta për të ardhmen e futbollit lokal. Sepse investimi te fëmijët dhe të rinjtë është investim te e ardhmja e qytetit”, ka shkruar klubi vushtrrias në Facebook.
